مستغربة ليه

" مسـتغربـة لـــيـهـ "


من بين البشر إخترتك إنتي ...
سلمت وبهديكي قلبي ...
وأمانة تحافظي عليه ...

إحلوت بيكي أيامي ...
وسبت روحي تهواكي ...
وتتمناكي في الدقايق والثواني ...
أشوفك دايماً قدامي ...
حبيتك ما أعرفش ليه ...

مش طالب إنك تحبيني ...
كفاية إني أشوفك وتشوفيني ...
من غير ما تسلمي وتناديني ...
أنا بفرح لما أشوفك بعيني ...
مالك كده مستغربة ليه ؟...

آه بحبك مليون بحبك ...
كفاية عليا من الدنيا حبك ...
ومش عايز أبقى في قلبك ...
عشان لو خدني القدر منك ...
قلبي ما تبكيش عليه ...

خايف بدون قصدي أجرحك ...
هتنسي إني كنت بعشقك ...
مع إن الجرح هيوصلني قبل ما يوصلك ...
أصل بجد أنا بعشقك ...
عرفتي ببعدك عني ليه ؟...

بعيدة لكن أنا شايفك ...
وبخاف عليكي أكتر من نفسك ...
وأفديكي بكل ما أملك ...
عشان الضحكة ما تغيبش عنك ...
والحزن عمرك ما تشوفيه ...

أنا عايش عشان أحبك ...
نبض قلبي هو حبك ...
كأن إللي خلقك إنسانة ...
خلقني أنا ظلك ...
وده إللي إتمنيت أعيش ليه ...

من بين البشر إخترتك إنتي ...
سلمت وبهديكي قلبي ...
بس أمانة تحافظي عليه ...

توبيك جميل
تسلم

تسلم على ردك الجميل يا ميرو ويا رب اسعدكم بموضوعاتى كمان وكمان

تسلمى يا angel for everعلى ردك الجميل منورة التوبيك

أنا عايش عشان أحبك ...
نبض قلبي هو حبك ...
كأن إللي خلقك إنسانة ...
خلقني أنا ظلك ...
وده إللي إتمنيت أعيش ليه ..



عالمى والله يامحمد
بجد احساسك عالى اوى والله

أنا عايش عشان أحبك ...
نبض قلبي هو حبك ...
كأن إللي خلقك إنسانة ...
خلقني أنا ظلك ...
وده إللي إتمنيت أعيش ليه ...

تسلم ايدك ياكاسبر
دومت ف تالق ورقى
تقبل مرورى المتواضع
تحياتى

تسلم ايدك كلام في غايه الروعه تقبل مروري