" لــيـهـ يا قـــلــــبي "
ليه يا قلبي بتفكرني بيها ...
وتفكر نفسك بوهم حبها ...
مش دي إللي نبكي عليها ...
ولا نشتاق لحضنها ...
إنساها وما تفكرش فيها ...
دا الغدر في عروقها بدل دمها ...
وإن فكرت في يوم تبكي عليها ...
هقولك دموعك أغلى منها ...
إن رجعتلك بدموع في عنيها ...
إوعى تآمن لدمعها ...
دموعها دي سهلة عليها ...
تقدم ندمها وعذرها ...
وإن حنيت يا قلبي وصدقت عنيها ...
هترجع تاني لأصلها ...
يـا قـــلــــبـــــي ..
يا قلبي هي مش ليك ولا إنت ليها ...
والفراق جه من عندها ...
إنت عمرك ما جيت عليها ...
ولا حتى في يوم جرحتها ...
شوف كام مرة جرحتنا عنيها ...
وكام مرة ذقنا غدرها ...
وبردو نسامح ونرجع ليها ...
وهي الخيانة عايشة في دمها ...
مغرورة والغرور عاميها ....
ومش شايفة حد غير نفسها ...
فاكرة الناس هتموت عليها ...
وأنا هموت لو سبتها ...
لاء فــوقي بقى وإعرفي الحقيقة ...
وإشهدوا يا ناس على ماضي حبنا ...
هي إللي باعت وحبي هان عليها ...
ووعد مني .. بكرة ألاقي ست ستها ...
ليه يا قلبي بتفكرني بيها ...
وتفكر نفسك بوهم حبها ...
مش دي إللي نبكي عليها ...
ولا نشتاق لحضنها ...